Heerlik!

Koeplet 1:
Nog efkes op ein oër, twieje pèkskes op de vloer
De glitter in dien haor sjient mich wakker, ich bin klaor
Koffie klettert in de kan, sjpek sjpettert in de pan
‘n Iëjste drum van wièd, en in ‘n mum van tièd
‘t Geveul wat noeëts neet wènt
De vastelaovesdaag begint!


Koeplet 2:
Nao ’t ligke van de baom, kom v’r langzaamaan op sjtoom
Doe sjleis de boa om dich haer, doezend veere sjtrieke neer
‘t Viltje in mien jas, besjtilt zichzelf alvas
Hawt dich mer paraat, ut wurd nachwaerk, ut wurd laat
Wae wit wo veer vanaovend sjtaon
Es veer nao vastelaovend gaon!


Refrein:
Heerlik
Haol gans deep aom, laot de kraom de kraom
Dit is heerlik
Kiek rond, geneet, baeter wurd ’t neet
Heerlik
Gaef d’r mer aan toe, laef hie en noe
Dit is heerlik
Kiek rond, geneet, baeter wurd ’t neet


Brug:
Van de glitter in dien haor, op de vloer, op alle sjpegels
Geneet ich noa ‘t ganse jaor, in de douche, op alle tegels
Al die veerkes ving ich trök, van veur tot achter in de bank
Mien momentjes van gelök, in de deurmat op de gank
En zigk noe toch ins eerlik, dit mákt ’t ganse jaor toch heerlik!
Een zigk noe toch ins eerlik, dit mákt ’t ganse jaor toch heerlik!