Woke, mèt 'n zachte G

Koeplet 1:
You never Woke Alone

Ich gaon dit jaor verkleid es indiaan
Meh maog dat nog waal?
Of nump dao dalik emes aansjtoat aan?
Jao maog dat nog waal?
Maoge prins en prinses vastelaovend regere?
Of mót v'r dao ièsj de A2 veur blokkere?
Jao, alles weurt gewaog, en sjteeds mer weer die vraog:
Wat mèt vastelaovend nog maog

Refrein:
Noe zin veer 'n bietje woke, meh mèt 'n zachte G
Van Eijsde tot in Mook, op de sjtraot en in 't café
Noe zin veer 'n bietje woke, meh lekker positief
Van Eijsde tot in Mook, is ech alles inclusief!
Nae, de zuus hie gein grenseuversjreidend gedraag
Want gluif mer, veer blieve in Limburg die daag!
Noe zin veer 'n bietje woke, meh nieks aan de hand
Van Eijsde tot in Mook, heers de milde variant

Koeplet 2:
You never Woke Alone

Sjtrak sjräöme de auw wiever door de zaal
Meh maog dat nog waal?
Of mót dae ganse zjwik genderneutraal?
Jao maog dat nog waal?
Kiek, 't road, gael en greun wappert fier aan de deure
Of maog dat allein nog in raegebaogkleure?
Jao, alles weurt gewaog, en sjteeds mer weer die vraog:
Wat mèt vastelaovend nog maog

Brug:
Es 'n buut of 'n leedje get prikkelt
Weurt ózze vastelaovend banger
En verkleije? Dat is ingewikkeld! 
Want ós tiène die waere ummer langer (langer - langer)

Slot:
You never Woke Alone