Gans Limburg geit plat!

Refrein:
Gans Limburg geit plat!
Dan kint 't Hollesj en 't Èngelsj neet regere
Gans Limburg geit plat!
Ich vraog mien 'matties' om de sjtraottaal te negere
Dit is ózze nuuje moraal:
De vastelaovend vier v'r in ós modertaal
En es 't effe mis geit, 'so what?'
Gans Limburg geit plat!


Koeplet 1:
Zèk luuj, van wat ich lèts hoort, góng ich euver de nek
De jeug wilt neet miè zinge in 't Limburgs dialek
Noe bin ich 'flabbergasted' en dink ich: 'holy shit!'
't Is sjuus esof 't plat in eine 'rollercoaster' zit
Noe zin veer zoa euver de roaje
Dat veer gans Limburg plat gaon goaje!


Koeplet 2:
Noe zin ze 't aan 't susse, 't waor mer 'n geruch
Meh jóng, blief van 't plat aaf! Want dao bin ich op beduch
Ich mót toch ech neet dinke aan 'n 'LV-Sing Along'
Mèt leedjes in 'n taal wo ich de clou neet van versjtaon
De vastelaovesgek mèt balle
Lièt in 't plat de leedjes sjalle!


Brug:
En huèr ich de godsganse daag weer nieks es 'harde G-en'
Kiek ich 'n bietje koekoek (en wèts te wat ich zèk?)
Ich nicht verstehen! - Ich nicht verstehen!