D'n Drejdaagsvleeg

Koeplet 1:
Urges in d’n dreksbak, werd ich gebore
Tusse bietjes erwtesoep en unne snee volkore
Wie ich toen mien vleugels heb gekrege
Bin ich vanoeht dae vuulniszak, zoëmer enthousias gerak
En door de vastelaovend haer gaon vleege

Refrein:
Ich bin unne drejdaagsvleeg
Ich laef allein mit vastelaovend
Tusse kroege ongerweeg
Zeen ich veulbelovend
Det ze mich neet zien vergaete
Want ich krieg euveral te drinke en te aete
Ich zoem ronk van gelök, det ut mich is gegaeve
Mit de vastelaovend, drej daag te moge laeve

Koeplet 2:
Urges op un roëje naas, zoog ich heur wel zitte
Vrièvend mit heur putjes, op ‘ne vent dae loog te pitte
Hoofde ut neet lang te euverwege
Vleegesvlug greep ich mien kans, showde miene paringsdans
En toen hebbe wae kriebelkes gekrege

Koeplet 3:
Urges tege 11 oor, oppe dinzigaovend
Vloog ich mit mien maedje nao ut ènd van vastelaovend
Ut gelök waas nao de kop gestege
Wies det ze reep “Jong aan de kank!”, dao kump unne platte hank
En ich waas nét te laat um wig te vleege

Slot:
Ich waas unne drejdaagsvleeg
Ich laefde allein mit vastelaovend
Tusse kroege ongerweeg
Zoog ich veulbelovend
Det ze mich hej noeits vergaete
Want ich kreeg euveral te drinke en te aete
Ich zoemde ronk van gelök, det ut mich waas gegaeve
Mit de vastelaovend...

Bin ich unne drejdaagsvleeg
Ich laef allein mit vastelaovend
Tusse kroege ongerweeg
Zeen ich veulbelovend
Det ze mich neet zien vergaete
Want ich krieg euveral te drinke en te aete
Ich zoem ronk van gelök, det ut mich is gegaeve
Mit de vastelaovend, drej daag te moge laeve