Groete oet de fieësttent

Refrein :

Groete oet de fieësttent
Oet de volgaasallesgaeve-tent
De vrundjsjapväörutlaeve-tent
Väörluipig steit mien bed
Vief daag lang aan ut buffet

Groete oet de fieësttent
Oet de edereindaekinse-tent
De gaarniksmiertewinse-tent
De groete,väöl plezeer
We zeen os woonsdig weer

Couplet 1: 

Esse in de zoepkoel zits, en verrektes good auch wits
Desse sjoeanmam zien verjaordaagsfiës “perongeluk” vergits

Es de diëtiste beltj en dich in de kroeg verteldj
Det dien aafslanksjema mit de vastelaovesdaag auch geldtj

Den lueëtse get weite uiteraard 
Stuurs ein vastelaoves-ansichtkaart, mit de…

Couplet 2:

Es de babysit gestresst, dich op dinsdig smst
Of de dorst van vriedigaovendj noe nog steeds neet is gelest

Es de buurman ut dich fliktj, as d’n optocht net vertriktj 
Diene voicemail in te spraeke det dien hoes is aafgefiktj

Den lueëtse get weite uiteraard 
Stuurs ein vastelaoves-ansichtkaart, mit de…

Slot

Mit de groete oet de fieësttent
Oet de volgaasallesgaevetent
Waer neet giftig op mich
Ut liktj echt neet aan dich
Ich wil altied plezeer
We zeen os woonsdig weer