Ich tik neet richtig

Refrein:
Ich bèn van sjlaag, ich tik neet richtig
Höb gein bezeij van oer en tied
En is d'n tied van gaon gekómme
Haut ich mich sjtilkes van d'n dómme...
Ich bèn van sjlaag, ich tik neet richtig
Ich bèn d'n tèl alweer 'ns kwiet
Mich is è vaerke losgesjprónge
In dae sjoane vastelaovestied

Couplet 1:
Et ganse jaor löp sjmörgesvreug de wèkker biej mich aaf
Dan sjtaon ich op, al bèn ich meug, begint weer 't gedraaf
Ich veul mich sjus è meulepaerd, laup kringskes in 't róndj
Is tied en geldj dan alles waerd..., dat is toch ech te bóntj
Mer in de vastelaovestied zèt ich dat aan 'n ziej
Dae reigelmaot raak ich dan kwiet en veul mich lekker vriej!

Couplet 2:
Mien klökske tik biej jeedere sjlaag 't ritme van plezeer
'ch höb miene sjlinger mit die daag, es ich mich ammezeer
Mien raedjes laupe good gesjmeerd en lekker oet balans
Es euveral de prins regeert, dan zèng ich, sjpèng en dans
Want is de vastelaovend dao, dan kump 't wie 't geit
Omdat mien klökske veur en nao, sjus eff angesj sjleit!