W.A.L.S. (Wil Altied Lekker Sjoenkele)

Refrein:
Ich wil altied lekker sjoenkele
Dus ich haw ut kort, ich WALS!
Dan zuus ste ming aoge foenkele
Zoe lekker bie ein, zoe dat ste neet vals
Ich WALS mich de sjpas oet de tes
Ich griep noe ming kans
Bie dae heerlikke dans
Dus ich haw ut kort want ich mot aon de gank
Ich wals altied lekker laaa-aaa-aaa-ank

Couplet 1:
Ich wow liere danse dat leek mich zoe sjiek
Mich gans laote goeën op dae sjoene meziek
Mer telle en drieje dat bleek niks vuur mich
Bie eedere lès ging ich op ming gezich
Ich dank vasjtelaovend vuur wat dae mich brach
Want dit is wat ich dach

Couplet 2:
Been ich aon de baört vuur ut deenblaod mit voch
Dan wurt doer ming vrun eemes anders verzoch
Ze zien neet gelukkig mit ming sjoenkel-lol
Mer ’t glaos is mit dis daog toch altied haf-vol
Dus griep ich dat pilske uns good bie de kraog
En zing de ganse daog

Brug:
En aoch op asgoonsdig gaon ich lekker doer
Dan hoel ich ut assekruus bie de pesjtoer
Meh doer ming gesjoenkel, haw dae ech geng keus
En mikte dat kruiske dus vol op m’n neus