(Sjt)optoch!!!

Luuj, 't is om te verrèkke, ózze optoch dae mót trèkke,
meh hae sjteit allein mer sjtop.
Dit is ech neet te verkoupe, 'ne optoch dae mót loupe,
noe löp alles in de sop.
Veer trotsere kou en raege, meh toch zeen v'r nieks bewaege,
't is eine groate flop.
Jao, veer rake boete zinne, meh veer laote ós neet kinne,
dus veer loupe d'r langs op.

Sjtop toch! Sjtop toch! Sjtop toch mèt dae'n optoch!
Es 'r ummer sjtil blief sjtaon dan is dat 'n blamaasj.
Sjtop toch! Sjtop toch! Sjtop toch mèt dae'n optoch!
Luuj die langs d'n optoch loupe weurt de nuutste raasj.

Slotregel:
Dus es 'r neet bewaege wilt dan lek mich mer am aasj!
 Veer zin die oet dat dörpke van dae'n optoch mèt die gater.
Meh dao is väöl verangert luuj noe al die jaore later.
De laoker zin 't punt neet miè, die zin mèt vorsverlet.
Dan dinks-te "eind good, al good", meh toch is 't naatje pet!
 Es emes nao d'n optoch vraog, dan zègk v'r: "dae is puime".
Toch kómme ze van alle keng ós dörpke binnesjtruime.
Jao, alle vastelaovesgekke sjnelle zich hieheen.
Mèt eige ouge mótte ze die nuutste rage zeen!