Van 't gaas (al)aaf?!

Heij, bès te van ’t gaas (al)aaf! (al)aaf! (al)aaf!?
Dan vier mer carnaval op kaole!
Ich vraog: “es doe gein gaas miè geufs,
wie geis-te esjlegoonsdig haole?”
Heij, bès te van ’t gaas (al)aaf! (al)aaf! (al)aaf!?
Dan dink good nao veur óngerwaeg:
Want es ze roope: “gaef ‘ns gaas-gaas-gaas!”
De piep is laeg!
 ’t Laeve dat weurt paeperduur
en de Russe goaje aolie op ’t vuur.
Die gaeve geine energie,
jao, doog ós dae crisis ouch nog mer d’r bie.
Aan alles kriege veer gebrek,
en ós geklaag haet geine zin.
Meh wat mót de vastelaovesgek,
es hae gein gaas miè gaeve kin?
 De gaaskraan die geuf nieks es loch,
Oet de tapkraan kump gelökkig nog genog.
’n Pilske hilt ós aan de geng,
Kiek: dea café kump op sjtoum aan alle keng!
“Heij, gaaf ‘ns gaas!” dat is passé,
noe is de leiding aafgedop.
Meh toch loup ich achter de cv,
en ózze prins dae löp veurop.
 't Is väöl baeter te genete van de vastelaoveshitte
es heim op de bank in de "moskou" te zitte!