Rollercoasterproosters

Refrein:
’t Is vastelaovend, doot mer mit
Wat ’n achtbaanrit is dit!
Bukke, bukke, bukke en noe hendjes in de loch
Van links nao rechs
Veer vlege same oet de boch!
Omhoag, omlièg
Dan traog nao baove, sjtop
HUP euver de ko-o-o-o-p!

Lache veur de foto. Pingggg!
Doe bès gesjlaag!
Vastelaovend wat ’n achbaan
Vief daag kriebels in de maag! (2x)

Koeplet 1:
’t Begint al in de riej
Eederein is hiej zoa bliej
Zellef mètgenómme blikke
En alvas get kièskes bikke
Veer zin rollercoasterproosters in de achbaan van gelök
Es de körk van de flesj is kènne veer neet miè terök!

Koeplet 2:
Bès se einmaol ingesjtap
Geit ’t vrie sjnel, vrie rap
Laot ’t mer gebeure
Bewaeg-mer-mèt en laot dich heure
Es se einmaol in de vastelaovesachbaan bès gesjtap
Is d’r geine waeg miè truuk en mós se vief daag lang op sjtap!

Brug:
En op esjwoonsdig, doe sjtaps oet, mèt traone van gelök
Bekiekse dien foto’s, en sjpeels dich de achbaan fillemkes terök!
Teröööök!

Slot:
Lache veur de foto. Pingggg!
Doe bès gesjlaag!
Alle rollercoasterproosters hubbe kriebels in de maag!