Ai Ai Ai Ai!
- Tekstschrijver(s): Thei Wessels
- Componist(en): Thei Wessels
- Uitvoerende(n): Kelly van de Lump
- Plaats: Beek
Ai Ai Ai Ai!
Koeplet 1:
Miene sjriever dae dach: “neet lang helle”
‘t Is gedaon mit de papiere velle
Gein gebroek meer van de grieze celle
Mer ein leedje in Ai besjtelle
Dus haet hae zich èns d’r veur gezat
Deze sjlager is oet GPT gejat…
Refrein:
Ai Ai Ai Ai!
Ai Ai Ai Ai!
’t Haw Wham! Geweldig kènne waere
Mer Aw mem! ’t Is puime en misaere
Ai Ai Ai Ai!
Ai Ai Ai Ai!
Want de grootste vastelaovesfout
Is ein leedje oet de cloud geklawd
Koeplet 2:
Dju! Dao sjtóng ich lelik in mien humme
Door ein leedje van dae bot te numme
‘t Waar dudelik in ein paar mumme:
Klaor! D’r veel ouch niks aan oet te gumme
Wat waar dat belabberd, jeminee!
Mer dao haw nog eine gek ein good idee…
Koeplet 3:
Dus noe wou ich van dae meuge weite:
Sjeet èns op want angesj bèn ich pleite
Gaef mich flot de lètste leedjesfeite
En noe kóm neet aan mit: “Dat is zjweite”
Wat, höbs doe al ganse nuje teks?
Neet te geluive, ich sjtaon helemaol perplex