Kort Sloeting

Koeplet 1:
Wiej ‘ne bliksemstraol 
Is ut einde verhaol 
As de daag weer op slaag is gedaon

Lever bleve wae hie 
Nog ramvol energie 
Onvoldaon waerdj ut tied óm te gaon

As ut dees daag loog aan ós 
Den wore wae drek weer begós

Refrein:
Wae wille kort, kort sloeting
En kieke gaar neet op ein oor 
Want zoeë gauw ut vastelaovendj is 
Slaon bie ós de stoppe door

Wae wille kort, kort sloeting
Wille niks angers den Alaaf
Tot Aswoonsdig de stekker d’roet geit 
Vlege de vonke d’r vanaaf 

Koeplet 2:
Kiek ós Limburg ‘ns gaon 
Onger hoeëgspanning staon 
Want bliksemsnel vluugtj alles veurbie

Dökker ram van de kaart 
Mer toch nog good ge-aard 
Want vastelaovendj geuftj energie

Tot ‘t op Aswoonsdig stoptj
Raaktj ozze accu neet op

Brug:
As straks ut leecht oet zal gaon
Zal d’r beslistj weerstandj óntstaon
Want wae gaon door, tot geheid 
Haost biej ószelf ut leecht oetgeit