Det doon weej morge!

Koeplet 1:
Vastelaovend in ‘t köpke? Dan wilse ech neet det ‘t stop.
Daorum doon weej nao vandaag, d’r nog ein schöpke baovenop!
(doon we morge, dette doon we morge)
Ut verjaage van dae kater dae ós lastig valle geit,...
Det kinne weej nog neet gaon doon, umdette noow nog neet besteit…
Det doon weej neet vandaag…

Refrein:
Det doon weej morge, det doon weej morge.
Weej valle morge, nog lange neet in det minder joeksig gaat.
Waat doon weej morge? Dét doon weej morge! 
Weej doon morge, gister en vandaag ens euver in ‘t kwadraat.
Det doon weej morge!

Koeplet 2:
Idderein zal bliéve hange met ‘tzelfde “gebrek”.
En vertrekke met dae aller-letste vastelaovesgek…
(doon we morge, dette doon we morge)
Weej gaon door wies aan ‘t gaetje, d’r is gen twiefel of det lök.
En dreijt de waereld um ós haer, danse weej gater in de zök...
Det doon weej neet vandaag…

Brug:
En as bliek det morge al gister is,
Dan hebbe weej ós eine daag vergis.

Det doon weej morge! (Waat doon weej morge?) 6x
Det doon weej morge! (Ahaaa!)
Det doon weej morge!

Variatie:
Det doon weej morge, det doon weej morge
(tadatadatadatadatadadamtatadatada) 
Det doon weej morge, det doon weej morge
(tadatadatadatadatadadamtatadatada)