Wat 'n sjoon köpke!

Intro:
’t Is toch ’n wónjer este zuus dat op dat klein sjtökske gezich 
Zo väöl versjil zit tösje dat van anger luuj en dat van dich...


Koeplet 1:
Op gans de waereld loup’ ver mit miljarde köpkes rondj
En zègk noezelf… gein twee zin d'rs geliek
Wie kump 't dat die naas en auch die uigskes en dae mondj
Van de ein neet op dat van de anger liek?
Gelökkig kènne veer dit wónjer neet verangere
En is d’n eine kop nog leuker wie d’n angere


Refrein:   
Mer... dat... köpke van dich, ja dat köpke van dich
Is ‘n köpke dat ich neet meer oet mien köpke krieg
Wie dat lach!! Wie dat sjtraolt!! Wie dat zungk!!
‘ch kèn neet meer sjlaope es ich sjlaop, kèn neet meer dènke es ich dènk..!!
Ooooh die glinsterende uigskes en dae leve leve lach
Höbbe mich zónger get te zègke... alles al gezag!!


Koeplet 2:
Mer mèt de vastelaovesdaag ja lèt d’r mer ‘ns op
Kriege die köp… inèns ’n grote beurt
Dan zètte veer veur drie daag ‘ne angere kop d’r op
Dan wurd hie euveral geschmink en gegrimeerd
Mer zellefs dan is eder angesj, auch dan zuuste’n ‘t weer
Want ederein deit dat toch altied weer op zien meneer


Refrein:
Oh wat ’n köpke, Oh wat ’n köpke
Wat ‘n sjoon köpke is dat köpke van dich (4x)


Brug:
Mer auch wat bènne in zo’n köpke zit, versjilt bie ederein
Dao zit de leefde, de lol en de laeveslös
Dao zit auch ’t geveul, ’t genot en ’t gelök
Dat maak eder minsj zo wiej ‘r einmaol is


Slot:
Ach mèt dat köpke van ós - dat weite v’r gewoon -
Zul v’r ’t toch ech ós ganse laeve mótte doon