Van Sjingelbells tot Sjingeleboem

Tekstschrijver(s): Guus Steinen
Componist(en): Guus Steinen
Uitvoerende(n): SjingBoem
Plaats: Kelpen

Van Sjingelbells tot Sjingeleboem

’t Sjingele det blieftj, mer wae sjakele noe om

‘t Sjingele det blieftj , mer de “Bells” det weurdj noe “Boem”.

Zoëw gauw ‘t Sjingel bells weerklinktj den dinke de echte mer ein dingk
In noe en ’n paar waeke is de vastelaovendj dao
Wie gek wae den al zeen, wetj eder deep van binne in
Nao de tied van boum en krib ligktj Sjingeleboem op eeders lip

De tied dae vluch, weurd dèk gezag ’t geit allemaol gauwer as gedach
Den zeen wae aanbelandj bie ‘t geveul det in ós brandj
Den kieke wae veuroet, kómme de ieërste planne oet
Nao ’t kribke en de boum kumptj vastelaovendj good op stoum

Van Sjingel bells tot Sjingeleboem
Zeen wiese wets mer ’n paar waeke
Nao de Sjingel bells kumptj Sjingeleboem
Dao is hie lang haer oetgekeke
Nao de Sjingel bells, ’n paar waeke denao
Is ooze vastelaovendj dao
Bie Sjingeleboem sjnappe wae os de träöt en trom
Want veurse ’t in de gate höbs is deze sjoëne tied weer om

Nao ‘t kribke kump de kolder …alle böl gaon nao de zölder,
Mer wat zeen wae dao staon ….naeve al dae Krismes kraom
Det wat wae dao den zeen staon, duit os hertje sneller slaon
Ja det is …ja det is…det is de vastelaoves kis

Van Sjingel bells tot Sjingeleboem
Zeen wiese wets mer ’n paar waeke
Nao de Sjingel bells kumptj Sjingeleboem
Dao is hie lang haer oetgekeke
Nao de Sjingel bells, ’n paar waeke denao
Is ooze vastelaovendj dao
Bie Sjingeleboem sjnappe wae os de träöt en trom
Want veurse ’t in de gate höbs is deze sjoëne tied weer om

Es de ingele neet meer tingele, neet meer ringele pingele klingele
Kumptj de tied van Sjingele, Sjingele, kumptj de tied van Sjingele Boem