Weej Bliéve Wie Weej Zien

De boere zulle dinsdaag waal gaon staake
want de stikstof is wao zeej zich drök um maake
D'n optoch haet dit jaor ein lange riej,
de waages op ein eco-batterie
Maar ein dingk det zal bliéve, de's beslis,
vastelaovend in ôs Venlo wie 't is.

Refrein
Weej bliéve wie weej zien
en maake ôs neet drök.
Al steit de waereld op de kop,
d'r is nemus dae ôs stop
Weej bliéve wie weej zien,
en maake ôs gelök.
Dus laot ze maar gewaere
want weej zulle noeijts verlaere
Zoë wie ôs 't is geliërd
wie in Venlo vastelaovend wuurt gevierd
(Wie in Venlo, wie in Venlo, wie in Venlo vastelaovend wuurt gevierd)

D'n hoonderstal krieg zônnnekollektoore
det waas al lang 't doel van hiel wat jaore
De boeremoos mit wors is gans veurbeej,
allein maar vega en alles gluutevreej
Maar ein dingk det zal bliéve, de's ein feit,
vastelaovend in ôs Venlo wie det geit.