De Charme Van De Zachte G

Koeplet 1:
Hiej zeen v’r gebaore, hiej gaon v’r ter aerd
Hiej laef v’r oos laeve, en dat is oos gèt waerd
Hiej neum v’r ‘ne ummer, nog ummer ‘nen top
Hiej zèt v’r de boet, dèks op ziene kop

Dus truk ’n kapèl, hiej door de sjtraot
Haok dan mit in, loup mèr mit in de maot
Hiej deil v’r ‘ne pint, en soms oos privé
Hiej deil v’r de charme, van de zachte G

Refrein:
Gruëtsj op dit dörp en gruëtsj op oos sjtad
Hiej klasjeneere veer in ’t plat
Gruëtsj oppe luuj en gruëtsj op oos vlaai
‘T water in de moel ès ich mich d’r aan begaaj
De vastelaovend, oos Limburgs ID,
Zoä zeen v’r getaoge, en dat veult ok
Jao, zèlfs ès doe zaes: “Man, wa’s dat väör ’n kliesjee!”
Sjpäor ich hiej de charme van de zachte G!

Koeplet 2:
Veer zènge en danse, v’r zeen bliej kòntènt
Veer deile dees passie, en dat vuur dat brènt
Van awtshaer gezaegend, versjtaon oos meis good
Zèlfs ònger ‘t gevreigel, hawt v’r aeve-gooje mood

En huër v’r meziek, dan zeen veer in sjtaot
Oos vas te sjnappe, dans v’r same oppe sjtraot
Dat zit in oos ‘roots’, dat zit in dit idee
Dat zie ram charmant is, oos zachte G

Brug:
Oos sjpraok klink wie meziek, dao vilt gèt van te make
die G kluërt ‘t laeve riek, dat sjriëf v’r van de dake…

Slotrefrein:
Gruëtsj op dit dörp en gruëtsj op oos sjtad
Hiej klasjeneere veer in ’t plat
Gruëtsj oppe luuj en gruëtsj op oos vlaai
’T water in de moel ès ich mich d’r aan begaaj
De vastelaovend, oos Limburgs ID
Zoä zeen v’r getaoge, en da’s ram ok
Jao, zèlfs ès doe zaes: “Man, wa’s dat väör ’n kliesjee!”
Sjpäor ich hiej de charme van de zachte G!
Veer sjpäöre hiej de charme…van de zachte G!