Weej Telle Same Áf

Koeplet 1:
‘t Gânse jaor már spare nòw heb ik euro’s zat
Ze rolle hóst vanaeges uut mien tés
Ik zal d’r gén beware dén tied heb ik gehad
Luuster már ‘s nor òs wiēze les
Geniēt nòw van ‘t laeve, stráks griepte d’r naeve
Gennen tied, ‘t is zó wiet weej telle same áf 3 – 2 – 1 

Refrein:
Laot már gaon, dat hebbe weej van jòngsáfán gedaon
Dan lette weej toch niemér òp d’n tied
We zien d’n tel dan toch al waekeláng kwiet... dus...
Dâns mit meej, dit fieëst dat is van òw en ok van meej
De gânse tent die göt wér uut zien plaat
En maergevroeg jao dan zien weej wér páraat.

Koeplet 2:
Konfettie kleurt de straote, slingers ien de heg
De vlágge die dânse ien de wiend
Huuër de prins ‘s praote, de zörge zien weg
Hej ik huuër ‘t láche van ‘n kiend 
Geniēt nòw van ‘t laeve, stráks griepte d’r naeve
Gennen tied, ‘t is zówiet weej telle same áf 3 – 2 – 1

Brug:
Man wat ‘n kleur, daor doej ik ‘t vur
Wat viende geej, kòm d’r már beej

Refrein:
Dâns mit meej, dit fieëst dat is van òw en ok van meej
De gânse tent die göt wér uut zien plaat
En maergevroeg jao dan zien weej wér páraat

Laot már gaon, dat hebbe weej van jòngsáfán gedaon,
Dan lette weej toch niemér òp d’n tied,
We zien d’n tel dan toch al waekeláng kwiet... dus