Voorwoord LVK voorzitter Joep Verbugt

Wae haaije net de jubileum editie in Ech achter de ruk. CV De Aester waas blei mit alle terechte complimenten veur de perfecte organisatie.

Het paviljoen waas opgeruumd en het zoog der wer ‘Spik en Span’ oet dao. ‘Wae bleeve vrunj tot de allerletste runj’ op vasteloaves dinsdig. Het normale laeve zou wer gaon beginnen. Wae keeken alvas oet nao dit jaor.

Amper twie waeke later mochten wae het hoes amper mier oet. Daarum bedachten wae thoes vervolgens Plan A en veur het geval......auch Plan B. Nao de zomer kos Plan A de prullebak in en bedachten wae vervolgens auch Plan C, vur het geval det....

Het LVK zou in idder geval soe wie soe doorgaon.

De twiede golf kos neet taege gehoije waere en alle gedaone meuite veur Plan B waas veur niks gewees. Plan D, E, F, G volgde mekaar op. Wae rakte samen met L1 de tel aaf en toe kwiet.

Ongertusse woore we wat ongerus det wae deze kier auch het jaorliks ‘LVK relletje’ moste gaon misse. Det veel dan toch wel wer mit of..... misjien auch wel taege! Waem zal het zeggen?

Er mos en zou een televisie registratie van de LVK finale koome! Det zou het Limburgse publiek toch neet onthooije motte waere!

Die oetzending kumt der dus gelukkig auch!

92 inzendingen en de hoofdjury op anderhalve maeter bie ein in Heel makte dao 45 halve finalisten van. Verrassend veul sms stummen zorgden oeteindelijk veur 20 finalisten waarvan der eine ene hiele biesongere winnaar geit waere.

Ich bedank gaer alle juryleden, de medewerkers van L1, alle tekstschrievers, componisten en oetveurende artiesten det ze ondanks alles dit meugelik hebben gemakt. De KRO-NCRV zorgt er deze kier veur det het hiele land kin zeen wat oze provincie zo uniek makt. Ich wins alle artiesten hiel veul succes en alle kiekers en loesteraars hiel veel plezeer. Het volgend jaor zal alles wer ganz angers zien. En hopelik wer vergeliekbaar met de ‘Echt’ e editie van het veurig jaor.

Mer veur nau: Geneet dervan en.........

Wae hauwe op de kis umdet er toch ondanks alles veur de 45e kier ein LVK finale is.

Joep Verbugt

Veurzitter LVK.

Deel deze pagina: