Sjtóppe óp 't deeptepunt

56

Koeplet 1:
Doe mós dich bedwelme. Teloor wilste goa. “Ein prosit” en leëve de sjpass
D’r insigste houvas vuur dich an gen tieëk: in jieëkere hank ee glas
In kretjes, karaffen, in fusten of vaat, bei dich sjmakt ‘t alles noa mieë
Gelagerd, mousserend, gemikst, destilaat, want kritisj dat zalste nit zieë
’t Drinke ‘mit mate’, dat numste concreet: ’nne meter bekans elk kwarteer
Gesjtaag weësjte kachel en sjuufs van dieng kruk. Mit dubbele tóng rupste geer:
‘Kom nóg ee sjtuntje! En nóg ee runtje! Nóg hoaf ee sjtuntje! Dan is ‘t sjloes!’

Refrein:
Mar doe mós sjtóppe, sjtóppe, sjtóppe, sjtóppe óp ‘t deeptepunt
Went gans ‘t prómillaasj dich ginne sjerpe blik mieë gunt
Dus móste sjtóppe, sjtóppe, sjtóppe, sjtóppe óp ‘t deeptepunt
Vlak vuur dich alles gans vazelf wer trük noa boave kunt

Lalala-lala-lala-lala-lalalalalaaalala. La-la-la-lalalalalalalalalaaalala
Lalala-lala-lala-lala-lalalalalaaalala. La-la-la-lalalalalalalalalaaalala

Koeplet 2:
Die vaatsjtel sjeet oape. ‘t Voch weëd versjpreid, verdunt mit get soda óf puur
Ambacht’lik gebrouwe, in roeëd of rosé, op kamer- of iestempratuur
Went inne dich vrugt: ‘Keël, wie deep wilste goa?’, dem winkste besjónke adieë
Die lief óp sjterk water, gedesinfecteerd. Dat kin toch zoeë sjlech gaar nit zieë?
Deë bocht van Bulgaarse of Sjóts makelij, dat sjtrumt wie gewend durch die blood
En beer gieët ging vlekke. Dieng leëver bliet ring. Óntsjmette van binne vult good
‘Kom nóg ee sjtuntje! En nóg ee runtje! Nóg hoaf ee sjtuntje! Dan is ‘t sjloes!’

Refrein

Brök:
En kruupste nachgebraggeld, sjrav’lendterend durch gen sjtroat
en vingst de letste bónne in dieng tesj
Dan dinkste bei dich zelver: ‘Dit woar ech de letste kier.’
Mar paaf doa floept alwer ing buëgelflesj

Refrein (2x)

Slot:
Vlak vuur dich alles gans vazelver
Gans ópins vazelver
Alles gans vazelf wer trük noa boave kunt