Wae Gaon Verhoèze!
- Tekstschrijver(s): Rob Kömhoff
- Componist(en): Rob Kömhoff
- Uitvoerende(n): De Kwante Diekzèk
44
Koeplet 1:
Bisse un bietje allein?
Un blok aan dien eige bein?
Of wurd dien kamer dich te klein?
Dan wurd ut tièd um wier te kièke!
Heesse un huuske gezoch?
Mer kriegse noeits niks gekoch?
Kom mèt want bej os is plek genog
Um nao vastelaovend oeht te wièke!
Allein al de weeg d’r haer
Puilt oeht van plezeer
Refrein:
Wae gaon verhoèze!
Hove de wèkker neet te snooze
Al die hendjes same sterk
’s Mergesvreug drek aan ut werk
Mèt verkleidkiste en doëze
Alles en idderein mèt op dae wage
Un vastelaovesvolksverhoèzing vur de boeg
Niks te klage
Wae trèkke mèt zien alle nao de kroeg!
Koeplet 2:
Gèn hypotheek, gènne huur
Un gratis stökske cultuur
Det is os drejdaagsavontuur
Dao vingse de ruumte um te laeve!
Auch gènne hoof vol mèt drek
Of un verborge gebrek
Ut is ènkel de tapkraan dae dao lèkt
En det is idderein um ut aeve!
Allein al de weeg d’r haer
Puilt oeht van plezeer
Brök:
Wie veugelkes vlege, det is puur instinct
Op zeuk nao de wermte die ut zuuje bringt
Precies wie de Limburger ziene weeg vingt
En nao veer seizoene lang opnej zien leedje zingt!
