Joeks in zicht

38

Refrein:
Weej zien de joekspioniers ván de vastenaovend
Op-tocht naor avonture wied ván heer
Ván ’t begin wies ’t end zien weej vastbeslaote
Tot aal ‘t plezeer is getrotseerd
Ván ’n vrèmde polonaise tot ‘n onbekend café
Ás de joeks in ’t vizier kumt, zien weej ván de parteej
Dees expeditie, din is in volle vaart,
Weej zette vastenaovend op de kaart

Koeplet 1:
D’n waeg terug nog ni bedocht
Vloog vûr vertrek aal oêt de bocht
Volg mien kompas naor bônte klanke en plezeer
Veur ik ‘t wist sloog ik al-aaf
‘t Veel meej drèk good in de smaak
Ik hof gèn schat, d’n pot mit gold bestel ik heer
Vrèmde taal, rare kleure en
Andere munte, gekke pèkskes, liedjes die ik nag ni ken
Wat maakt ’t oêt, d’r brandt nog licht
Dán is d’r aalt nog joeks in zicht

Refrein

Koeplet 2:
Brèkt vastenaovessturrem oêt
Verlees bekenden oêt ‘t oëg
In confettiraegen kwaak ik in ‘t roond - Marco!
Polo-naise kumt vurbeej
Zuugt meej drèk mei in de reej
Mit de stroëming mej naor on-ontdekte groond
Weej kieze aalt ‘t ruume sop, 
Maar alliën dán ás ie kâld is, mit ‘n schoêmkraag baovenop
Aal waejt de wind ów in de snoêt
Draej ów um, dán godde toch veuroêt

Refrein:
Weej zien de joekspioniers ván de vastenaovend
Op-tocht naor avonture wied ván heer
Ván ’t begin wies ’t end zien weej vastbeslaote
Tot aal ‘t plezeer is getrotseerd
Maar ieder reis kumt op zien end
Alle oêtheuk, alle lânde, jao zelfs Braobant is verkend
Ploffen neer, gâns oêtgeblust
Vur en ei mit Co-lum-bus

Refrein:
Weej zien de joekspioniers ván de vastenaovend
Op-tocht naor avonture wied ván heer
Ván ’t begin wies ’t end zien weej vastbeslaote
Tot aal ‘t plezeer is getrotseerd
Ván ’n vrèmde polonaise tot ‘n onbekend café
Ás de joeks in ’t vizier kumt, zien weej ván de parteej
Dees expeditie, din is in volle vaart
Weej zette vastenaovend op de kaart

Weej schriêve de verhale
Tusse pleine, kroege, zale
Waor de joeks is wát de klok sliët
En ’t drie daag um niks anders giët
Heer stiët de vastenaovend op de kaart