Sjoenkele of Springe?

Koeplet 1:

Ich kom binne in de vastelaovend, ’n röstig begin
De plaetjesdreijer sjtart miene sjoenkelaer in
Dan dreij ich ’n lekker welske mit dich leve sjat
Dat veult esof ich thoes kom, ’t is sjuus ’n werm bad
En zin v’r zoa sjtilkes begós
Klink opins dae paaf en ’t geit los! 

Refrein:

Dan mót ich sjpringe want ich kin neet langer sjtil blieve sjtaon
De leedjes zinge die mich door de kop blieve gaon 
Opins dan reup dae plaetjesdreijer “dreije!” (dreije!) 
En ich loup nao de ganse zaal te zjweije (zjweije!) 
Dan sjpring ich want ich kin neet langer sjtil blieve sjtaon
Ich zing de leedjes die mich door de kop blieve gaon
Dan sjpring ich wie ’n oetgelaote kind 
Totdat dae sjoenkelaer begint. 

Koeplet 2:

In ’t midde van de vastelaovend ‘ns aevekes rös
D’n doosj dae weurt lekker mit ’n pilske geblös
Dan sjleet ich dich in mien erm en veul mich weer top
Ich doon veur wat kump nog ’n sjöpke d’r op
Want nao zoa’n romantisch moment 
Geit ’t daak d’r aaf hie van de tent! 

Koeplet 3:
 
Aan ’t einde van de vastelaovend, de piep höb ich laeg 
Ich bin wie ‘ne jónge hond door de zaal haer gevaeg
’t Belt veur de lètste runde, ich lach ‘ns nao dich
Veer gove de vastelaovend ós eige gezich
Meh weurt de vermeujdheid de baas 
Geuf dae plaetjesdreijer nog ‘ns gaas!