16 jaor

Mer, toen werd ich zestien jaor 
en waor ut fees nooit klaor.
Mer, toen werd ich zestien jaor 
en wat ze zeije dat bleek waor.
Ut waor Vastelaovend wie ich zoog 
dat gans de waereld veur mich loog
en ich mien jeugd veurgood verloor.
Vastelaovend mit zestien jaor
 Ich waor éin jaor aod, wiedat ich loog
tusse de kieës en waosj en zoog
wat ich väöl later pas begreep. 
Ich waor zes jaor aod en kreeg van dich
waal zeve tuutjes chips en ich
weit nog wie ich mien vriendjes reep.
Ut maakt neet oet wie aod ich woor.
Ich weit nog alles, gans oké.
Eeder minuut en eeder oor
wat Vastelaovend mit mich deej.

 Ich waor acht jaor aod en zoog dich sjtoon
mer, durfde neet, ich leet dich goon
wie d’r un traon mien aug oet leep.
Ich waor elf jaor aod wie gans de zaal 
de leedjes same zong massaal
en ich ut míer en míer begreep.
Ut maakt neet oet wie aod ich woor.
Ich weit nog alles, gans oké.
Eeder minuut en eeder oor
wat Vastelaovend mit mich deej.
 Brögk:

Ich bin al lang gein zestien mier
mer, dit geveul verlees ich nooit.
Dich viers noe veur de ierste kier 
en ich weit doe, doe zings auch ooit. 
Doe zings auch ooit: