Veur blieve hiej!

Veur blieve hiej, hiej, hiej,
veur wieke gènne maeter!
Want nörges is ‘t baeter...
Veur blieve hiej drie daag op riej!
Veur blieve hiej, hiej, hiej,
en viere Vastelaovend!
Toet aan de dinsdigaovend,
zien veur same zie aan zie van de partie!
 Ich kèn d’r eine en dae geit noe
mèt dees drie daag nao de Alpe toe...
Oppe berg oppe latte sjtaon. 
Wie hoeëg hae op dae berg ouch sjteit,
veur weite wat dao baove geit:
Mèt Vastelaovend oppe lappe gaon!
Veur ós gèn berg of apres ski,
veur zinge lever in ‘t plat: veur blieve hiej!
 D’r gaon d’r ouch nao ‘n werm landj...
De Sjpaanse zón en ‘t Sjpaanse sjtrandj...
Maar die Sjpaanse zón luuët ós hiej kaad. 
Gèn sangria of tapas noe,
aswoensdaag geit de tap pas toe...
Veur tappe drie daag oet ‘n anger vaat!
Veur ós gèn Middellandse Zieë...
Veur gaeve gaas hiej aan de Maas, veur blieve hiej!
 En sjloete hiej de kroege 
is ‘t hiej nag neet veurbie,
den zinge veur hiej allemaol opnie: