't Geheim

‘t Geheim van vastelaovendj
Is det ‘t ós verbindtj
Neet genóg aan einen aovendj 
Daoróm staon veer bekindj
Ich bön daegene mit die gene
Dae mit dae lach op zien gezich
‘t Geheim van vastelaovendj 
Det bös doe en ich
 Mit óngerzeuke
Van mien blood en mien peuke
Mer noe kump ‘t leuke
‘ch-Waerde besjöljig van spionaasj
Ze höbbe tig kieër gekeke
Èllef kieër vergeleke
Toch woor drek al gebleke 
Ich haw ‘n loestig promillaasj
Ze ginge mit de vingeraafdrök ane slaag
Dae zoot op sjouwers, glazer, klinke, en op det stök in dae kraag
 Laot die vraoge mer kómme
‘ch-Haaj mich gewuuen vanne dómme
Ich hoof tonneet te brómme 
Mien DNA det zaet genóg 
Alle heuk, alle gater
’s Morges vreug miene kater
Zellefs mien water
Det waerde óngerzóch
De speurderskómpenie haet mich dao gefouilleerd
Mer gèn bewies van wie men zich hie amezeert
 Intro:
Al jaore zeen ze ’t aan-’t prebere
In ’t zuje hie bie ós te infeltrere
Ze wille weite wie veer ós amezere
Waem óntfutselt Limburg det geheim?

Brök:
Aan eine echte vastelaovesgek hoos se dit neet oet te ligke
De ganse waereld wiltj ’t weite mer psssssst veer gaon ’t nemes zègke
Want dit is van ós, van ós, blief van ós, van ós 
Veur ummer van ós, van ós, van ós, van ós

Tössespel/slot: Töp töp tö dö dö dö döp töp…